
* صورة بلاكبيرييّ
.
.
.
كل سنة و أنتم طيبين بما إن ذو الحجة ما بعد انتهى فـ لسة ما انتهت صلاحية التهنئة 
،
بالفترة الأخيرة أحس حياتي أحوس شي
؛ أنواع الفوضى العاطفية و الأغراضية و الأكاديمية
، أشياء غريبة صايرة و مفترقات طرق و كل شي بدأ يتغير ..
شي مخيف ان مرحلة الأمنيات و الطموحات توقف على مفرق التنفيذ .. ما فيه “أبي” فيه “سويت” و “أقدر / ما أقدر”
فجأة تبدأين تساومين في أحلامك و طموحاتك، المفاضلة تبدأ و العملية في اتخاذ القرارات تستحوذ عليك، و في القرارات اللي تنفرض عليك بسبب أو بآخر تتعلمين تتصالحين معها ..
.
حتى أمي ملاحظة عليّ اختلاف؛ تقولي: دائماً منرفزة و لحوحة
.. تناقشين بعصبية و تفرضين رأيك و كلمتك “لأ” و “إلا بأسوي..” ما كنتي كذا ![]()
قلت لها مدخل العشرين يخليك في مواجهة مع أمنياتك و الأشياء اللي تبين تحققينها، كثير بنات يبغون ينفذون أشياء قبل العشرين، و لما يدخلونها يقررون لأنفسهم أشياء قبل الثلاثين ..
اللي تبغى تتزوج قبل العشرين، و اللي تبغى تاخذ الدكتوراه و الماجستير قبل الثلاثين و اللي تبغى تكون أديبة (موب أنا أبداً
)، و زي وحدة سمعت عنها انها مقررة تاخذ دراسات عليا و تتقن ثلاث لغات قبل الثلاثين ما شا الله
،
فـ مع طموحات زي كذا و ضغوطات تفرضها معايير الوحدة رفعت سقفها لنفسها يجي التوتر و تجي العصبية، و خصوصاً لشابة يافعة في مجتمع مثل مجتمعنا، محاطة بالحماية الزائدة و الوصاية متعددة الطبقات
مو بس الأب لا و الأخ و العم و العمة و الجيران و حالة ! الطموحات يبغالها قير طاق و ما يعيقه شي، لو نجلس كل شوي نفرمل عشان فلانة ما جازلها اللي نبي أو علان قرر ان انتي قريبته ما يبيك تسوين هالشي أوكي أنا أعكسه لكن أنا مو شنطته أو سيارته، أنا أبي أنفذ طموحات خاصة فيني..
أحيانا الاعاقة تكون بكلمة أو تثبيط خلال نقاش ! لأن طموحات نبيلة زي اللي تحملها كثير من البنات ما أحد يقدر يوقفها لأنها تدافع عن نفسها، لكن ممكن يحبطون صاحبتها ..
.
شطحت صح
؟
حشوا بعد ؟! مدونتي و بكيفي
، لا جد من ضمن أشياء كثير أبي أسويها بحياتي تقولي عمتي استعيني على قضائها بالكتمان
، فيه شيء أحتاجكم فيه ..
شبكة بلاكبيرية للمُدوِنات (يعني البنات) السعوديات
أعجبتني الفكرة في موقع فليكر مسوينها بنوتات للمصورات السعوديات،و اعتقد لو تتسوى للمدونات راح تكون أعم و أشمل لأنها بتجمع بنات توجههم متشابه و راح تكون فيه استفادة فعلية من خصائص البلاكبيري في الكتابة و اضافة المواعيد المهمة ( محاضرات- اجتماعات- ندوات – … إلخ ) في تقويم الغروب group بحيث يكون تذكير للمشاركات ، ترويج للمدونات و زيادة للترابط العضوي بين المدونات السعودية على الانترنت، و برضو يساعد المشتركات انهم يطورون أنفسهم و يأدون دور تكاملي مع المدونات الثانية بدل ما الوحدة منطوية على نفسها و تقدم تدوينات مشابهة جداً لمدونة أخرى تتعرف على غيرها عشان تتكامل معهم ..
>> وين عمي عني و أنا أمدح الب ب
، أجل يقول انه للي ما عندهم شغلة
، المشكلة عنده آي فون ![]()
أتمنى منكم تشاركون معاي بهالفكرة يا دوبياتي باضافة رد على هالموضوع و فيه رقم الـ pin حقكم ،
راح أمسحه بمجرد الموافقة على الرد، و أكون القروب
كن عندي بي مثل ذا
هههه
~
عندي بكرا اختبار CALL ![]()





*









